Numri i nxënësve në arsimin parauniversitar në Shqipëri ka pësuar ulje të ndjeshme në pesë vitet e fundit.

Sipas të dhënave nga INSTAT kemi një ulje me 58,128 nxënës në pesë vitet shkollore.

Në sistemin arismor 9-vjeçar kemi rreth 13% më pak nxënës.

Në vitin shkollor 2017-2018 u regjistruan 319 mijë nxënës, në vitin 2021-2022 ishin 278 mijë, pra 41 mijë nxënës më pak ndoqën arsimin bazë.

Mbi 90% e nxënësve në arismin 9-vjeçar ndjekin shkollat publike, ndërsa 9,7 % institucionet e arsimit privat.

Frekuentimi i shkollave private ka ardhur në rritje sidomos në vitet e pandemisë.

Sipas INSTAT rënie më të theksuar ka pësuar numri i nxënësve në gjimnaze.

Nëse ju referohemi të dhënave të regjistrimit në nxënësve në shkollat e memse nga viti shkollor 2017-2018, deri në vitin shkollor 2021-2022 kemi një rënie me rreth 17 mije nxënës më pak, ose 14.2% ulje.

Sepse nga 120 mijë nxënës numri është ulur në 103 mijë nxënës që ndjekin gjimnazin në shkallë vendi.

81,5% e tyre ndjekin arsimit të mesëm social-kulturor.

Të dhënat e numrit të nxënësve për vitin shkollor 2022-2023 i cili starton më 12 shtator, do të bëhën publike javën e parë të shkollës nga Drejtoria e Përgjithshme e arsimit paraunviersitar.

Por sipas të dhënave të Minisitrisë së Arsimit të Shqipërisë, në klasë të parë janë regjistruar 29 mije nxënës, ndërsa në klasën e 10-të janë 28 mijë nxënës pa shkollat profesionale./KlanNews/